He inkhawmpui lianah hian Executive Chairman, Upa Lalnunmawia’n rorel inkhawm a kaihhruai a, District leh bial hrang hrang aiawh mi 580 rorel inkhawmah hian an tel a ni. Rorel \an hma hian Pathian duhzawng anga ro an rel theih nan General Superintendent Rev. Vanlalsipaia’n rorelnaa tel tur palaite chu Pathian hnenah a hlan a ni. Thurel tura chhawpchhuah 22 zingah kum 2019 leh 2020-a General Assembly thlengtu tur bial ruat lawkte pawm a ni a, kum 2019-ah Bethlehem Bialin a thleng ang a, kum 2020-ah Bazar Bialin a thleng dawn a ni.
Va\huampui Bial leh Headquarters Bial te chu \hen remtih a ni.
Heng bakah hian Pastor lak dan phung thlak rawtna te thlirho a ni a, Manipur District Meitei Area-ah Mission Field thar hawn remtih a ni bawk. Naktukah rorelna chhunzawm a ni ang.
Intuaithar lehna atana Pathian biak inkhawm chu zanin a\angin \an a ni ang a, inkhawm hi General Superintendent Rev. Vanlalsipaia’n a kaihruai \hin anga, zaninah Zemabawk bialtu Pastor Rokhuma’n Pathian thuchah a sawi dawn a ni. Naktuk, Inrinni zanah Southern Zone Secretary, Rev. V. Ro\huamluaia’n a sawi ang a, Pathianni zingah General Treasurer, Rev. C. Lalawmpuia, Pathianni chawhnu-ah ATI Dean, Rev. R. Laldawngliana leh Pathianni zanah General Superintendent, Rev. Vanlalsipaia ten Pathian thuchah an sawi ang.
