He Conference-a khuallian Pu Lalchhuanthanga MLA chuan thusawiin, upate chu an kum tamnain a pek tawnhriat chi hrang hrang, ngaihtuahna fim leh finna an neih te chu \hangthar lo awmzel tur ten an mamawh zel a ni tih a tarlang a, upate chu an tha chak tawh loh avanga thil ti thei tawh lova inngai mai lova, ram leh hnam tana ngaihtuahna seng tur leh mi pawimawhte thurawn pe zui zel turin a fuih a ni. He Conference-ah hian nikum Conference leh kumin Conference inkara an pawl member thi 84 te sun a ni a, kum 2019 \anga 2021 thlenga an hruaitu thar tur mi 6 thlan chhuah an ni bawk a, chungte chu Pu Nghaklianmawia, Pu R. Thankima, Pu Vanlalringa, Pu R. Lalthlamuana, Pu CL Dawngliana leh Pu C. Lalmalsawma te an ni a, an dinhmun tur siam rem a la ni dawn a ni. Aizawl South II Area MUP-ah hian Branch 9 a awm a, Branch hrang hrang a\angin an hnathawh danreport ngaihthlak a ni bawk.
