Higher & Technical Education Minister Dr. R. Lalthangliana chuan academic session tharah zirna kalpui \an theih a duh thu a sawi a, Campus lailawk atan Mizoram Engineering College, Pukpui chu hman theih a nih a beisei thu a sawi a, Ministry approval la tura pawimawh hmasa ber pahnih ram pekna lehkha leh temporary campus hman tur a awm thu chu a rang thei ang bera tihfel a nih tur thu sawiin, Mizoram sawrkarin a tih tur ang ang chu a ti nghal dawn a ni a ti.
Chief Minister Pu Zoramthanga pawhin Lunglei Campus din tur hi a ngai pawimawh tih Dr Thangtea hian a sawi a, campus lailawk luah thei tura a panna kawng siamna tur te, tui leh electric eng pekna tur leh thawktute thlen tur khualbuk sak hna te pawh cheng vaibelchhe 11 senga tihfel tum mek a ni a ti.
MZU Vice Chancellor Prof. K.R.S. Sambasiva Rao chuan Mizoram University Southern Campus, Lunglei leh Eastern Campus, Champhai din tura rawtna siamah, Ministry of Human Resource Development chuan Southern Campus, Lunglei din phalna a rawn pe ta tih a sawi a. Campus thar tur chu hmathlir thui tak nei chunga bul\an a duh thu leh hmunhma \ha leh zau tha tak an mamawh tur thu a sawi a, Mizoram sawrkarin a tih tur chin tifel thuai se a duh thu a sawi.
|hutkhawmna-a tel, Youth Commission Chairman Pu Vanlaltanpuia, chuan Pukpui Village Council ten ram acre 100 aia zau an pek nghal phal thu a sawi a, MZU hotute chuan ram pek tur chungchangah a hnua zangnadawmna phut awm lo tura fimkhur taka chinfel lawk \ul an tih thu an sawi a, University tha leh changtlung din turin a lo berah a ram acre 150 tal an mamawh tih an sawi bawk.
|hutkhawmnaah hian Bamboo Development Board Vice-Chairman Pu K Pachhunga leh Higher & Technical Education department hotute an tel a ni.
