Mizoram University dinchampha vawi 18 na chu vawiin khan MZU Auditorium-ah lawm a ni. Lawmna inkhawma tel Finance Minister Pu Lalsawta chuan, thusawiin MZU chu ramchhunga University zingah pawh zahpuiawm lo tak, kum 18 chhunga mithaim tam tak chherchhuak tawh tu leh Mizoram hmasawnna atana \angkai taka hnathawk tu niin a sawi a, Mizoram Flagship programme New Economic Development Policy ah pawh nasa takin MZU hian tha a thawh niin a sawi a ni.
Pu Lalsawta chuan, zirlai te chu ramdanga mi te nen an hun neih zat a in an reng vangin an hman tangkai phawt chuan, an mahni tan leh ram tan hmasawnna an thlen thei dawn niin a sawi a, an tui na zawng thiamna neih belh tum turin a fuih bawk. Pu Lalsawta hian MZU dinchampha puala Massive Open Online Courses Centre leh Online learners Facilitation centre inkawp siam chu a hawng nghal a ni.
MZU Vice Chancellor Prof. K.R.S Sambasiva Rao pawhin thusawiin MZU zirlai ten thiamna an pawk chhuah theih nan Research lamah tun aia tan lak a tum thu te, Mizoram mipui te hmasawnna tura hmalak a tum thu leh Socio -Economic Development programme hrang hrangah MZU chuan Sorkar a thawhpui zel atum thu a sawi a ni.
MZU hi kum 2001 April ni 25 khan din a ni a, hemi kum vek, July ni 2 atangin ataka hna thawk tanin zirna pawh a kalpui tan a ni. Tunah hian MZU hnuaiah constituent college pakhat – Pachhunga University College leh Affiliated College 31 a awm a. Kum 2014 khan National Assessment and Accreditation Council in Grade ‘A’ a pek bakah National Institutional framework in ramchhunga zirna in\ha zual a thlan zingah MZU chu 94 na a ni bawk.
