Mizoram Treasury Accounts Service Association-in Khawzawl, Hnahthial leh Saituala Treasury Office hawn thara Sorkarin Account Officer post thar siam lova a awmsa dah a tum chu an duh loh thu an sawi.

Vawiin a thuchhuah an siamah Mizoram Treasury Accounts Service Association chuan, Khawzawl, Hnahthial leh Saituala Treasury Office hawn tharah Treasury Officer leh LDC 1 \heuh leh Group D staff 2 \heuh Sorkarin lak belh a remtih laiin hnathawktu ber Accounts Staff pakhatmah lak belh tumna awm lo leh Treasury hrang hrang atanga pawhkhawm tum a ni chu an duh loh thu an sawi a, Treasury hrang hrangah Asst. Account Officer post ruak 76 a awmah 44 chauh hnawhkhah a ni a, thawktu indaih loh avanga harsatna an tawh laia a awmsa semdarh tumna awm chu an service hmuhsitnaah an ngaih thu an sawi.