He inkhawm hi Central YMA Vice President Pu R Lalngheta’n a kaihruai anga, hetah hian tlawmngawipawl lian hrang hrang President theuhin thu an sawi dawn a ni. Central YMA pisaa inkhawmah Sorkar laipuiin Citizenship Ammendment Bill 2016 pass a tum chungchang leh he bill hi naktukah Rajya Sabha-a ngaihtuah tura Supplementary list-a lut thei a nih thu te, he bill hi pass a nih a Mizoram dinhmun chhiatzia tur leh Mizo te chimrala an awm theih dan tur te, tarlan a ni a. He Meeting, an chairman Central YMA President Pu Vanlalruata kaihhruai-ah hian NGO Coordination Committee chuan Citizenship Ammendment Bill 2016 Mizoram mipui ten an duh loh zia Prime Minister Pu Narendra Modhi hriattirna lehkha thawn nise an ti a, chutah chuan party hrang hrang President \heuh leh tlawmngai pawl hrang hrang theuh ten an hming ziak se an ti a, he lehkha Prime Minister hnena thawn tur hi vawin tlai khan an ziak nghal a, Prime Minister hnenah an thawn nghal dawn a ni. Hemi bakah hian tuna Electoral roll ennawna neih mekah Tripura Bru Camp 6 a Mizoram mi awm ten inthun belh an dil na ngaihtuahna hearing chu Camp a tih loh nise tih an sawi bawk a ni.
Hemi hmalam hian Central YMA hruaitute chuan Chief Minister Pu Zoramthanga chu a pisaah hmuin Sorkar laipuiin Citizenship Ammendment Bill 2016 pass a tum dodalna nei tura Sorkar an duhthu an hrilh a Chef Minister chuan, hemi chungchangah hian naktukah cabinet Meeting neih a tum thu a lo hrilh a, chu chu Central YMA hruaitute chuan a tlai tawh lutuk nia an ngaihthu Chief Minister hi an hrilh a ni.
