An inkawmnaah hian Pi Soso Shaiza chuan, Mizoram dinhmun zirchiang tura lo kal a nih piah lamah Mamit District-a hmeichhiaten hmasawnna zau zawk an neih theih dan enfiah tura lokal a nih angin Mamit District tihmasawn tura Mizoram Sorkar hmalaknachu fakawm a tih thu a hrilh a. Tuna hmalakna awmsa piah lamah chak zawka hmasawn turin Schools of Excellence leh Working Women Hostel siam \ha a tih thu Chief Minister chu hrilhin, National Commission for Women kaltlanga awareness programme leh research buatsaih theih a nih thu a sawi bawk. Pi Soso Shaiza chuan, ram inrelbawlnaah hmeichhiate tel ve chungchang leh police lama hmeichhia tam zawk an luh theih a duh thu pawh sawiin, handloom chawisan pawimawhna leh entrepreneurship kaltlanga hmeichhia dinhmun \ha lo zawkte chawi kan pawimawhna an sawi dun bawk.
Pi Soso Shaiza hian vawiin vek khan DGP, Pu SBK Singh pawh a chenna-ah a hmu a, Police nen thawh hona \ha an neih zel a beisei thu a hrilh a ni. National Commission for Women member, Pi Soso Shaiza-in Chief Minister leh DG a hmuhnaah hian Mizoram State Commission for Women Chairperson, Pi Lallawmchhungi leh member, Prof. Lalneihzovi’n an \awiawm a ni.
