He inbiakna hi Vairengte SDO Civil Office-ah Kolasib Bawrhsap, Dr. Arun T leh Silchar Bawrhsap Dr Lakshmanan te kaihhruai a neih a nia, an inremna siam tak, tunthla chhunga hman tur ah chuan Bagha Balu Cubic Metre 1 man Rs 900/- leh Brick \ha ber chi pakhat Rs 10/- a ni anga, a man hi a \ul dan a zira ennawn a ni anga, ennawn a nih hunah Mizoram Tipper Association hruaitute pawh an tel ang. Balu leh Brick Mahalder te chuan an hming, Phone number leh Balu leh Brick rate te ziakin an tarlang vek anga, Cachar ram chhunga danlova Mahal siam an awm chuan Cachar bawrhsap in dan angin a hrem dawn a ni. Balu leh Brick chungchanga Inremna an siam tak avangin Silchar- Aizawl kawng National Highway 54-a Motor dan chu Mizoram lam leh Cachar lamah tih tawp nghal a ni. Mizoram mi ten harsatna an tawh thulha an zualkona tur, Magistrate Pu Deep Moy Thakuria leh Dholai a Police OC-te Phone number pawh Mizoram Tipper Owners leh Driver Association hruaitute chu hriattir an ni. He buaina chinfelnaah hian Kolasib Bawrhsap chu SP Pu Abhishek Dhania, Addl. DC Pu Lal\anpuia Hnamte leh Officer dangte bakah Mizoram Tipper Owners Association hruaitute leh Kolasib Sub-Hqrs YMA President Pu C Liankunga ten an \awiawma, Cachar Bawrhsap, Dr. Lakshmanan chu SP Pu Rakesh Roushan leh Officer dang te leh Sumdawng pawl hruaitu ten an \awiawm a ni.
