Khuallian Larsap Pu Kummanam Rajasekharan chuan, Mizoram state a nih theihna tura an theihna zawng zawng leh nunna hlu tak lo hlantute chawimawi leh zahna hlan chu khua leh tuite mawhphurhna a ni a ti a, zoram mipuite chu ram danpui hnuaia khua leh tuite tih tur \ha taka zawma hmasawnna lamtluang zawh tura inbuatsaih turin a chah a ni
Larsap chuan, remna leh muanna hnuaiah Mizoram sorkar chuan hmasawnna ngelghet nei turin Socio-Economic Development Policy leh hmachhawp pawimawh tak tak a nei tih a sawi a, an hmalakna tur zinga Agriculture, Horticulture, Food Processing, Organic Farming, Handloom & Handicrafts leh thildangah mipuite pawhin an thlawpa an thawhpui \hat a ngai dawn tih sawiin Mizoram chu State dangte entawn turin a siam theih a ni a ti.
Chief Minister Pu Zoramthanga pawhin thusawiin State day chu sorkar chawlh ringawta hman a ni \hin chu uiawm a tih \hin thu a sawi a, State chu Mizoramin remnna a neih rahchhuah a nih avangin ropui taka lawm tlak a ni a ti. MNF President nibawk Pu Zoramthanga chuan, remna thuthlung chu Mizo mipui, MNF leh India duhdana ni lovin Pathian duh dana ziah niin a sawi a, remna thuthlung chuan ram leh hnam, sakhua thlengin a humhalh \ha hle niin a sawi a, ram neitu nihna leh a khawihchet kawngah pawh Parliamnet in a duhdana a tih mai theih loh, Mizoram Assembly chauhin a tih danglam theih a ni a ti.
Chief Minsiter Pu Zoramthanga hian ram leilung hausakna haichhuah chu a kaihhruai sorkar thil tum pawimawh a nih thu a sawi a, khawvel hriata Mizoram phochhuak tura bei turin mipuite pawhin an ngaihtuahna an thlak a ngai niin a sawi bawk.
State Day lawmna Inkhawm hi Chief Secretary Pu Lalnunmawia Chuaungo in a kaihruai a,
NGO Co- Coordination Committee Chairman Pu Vanlalruata leh MKHC aiawhin Rev R. Lalrinsanga ten thu an sawi bawk.
Kum 1986-a Sorkar laipui leh MNF inremna thuthlung siam angin Mizoram State puitlinga hlankaina turin Constitution siam\hat a nia, tihfel ngaite tihfel a nih hnu, kum 1987, February ni 20 khan Mizoram chu State puitlingah hlankai a nia, khatihlaia Prime Minister, Pu Rajiv Gandhi-an Lammuala inkhawmah Mizoram State thar chu a hawnga, India rama State 23-na a ni ta a ni.
