Secretariat Conference Hall-a \hutkhawmnaah hian kumin January ni 23-a an \hutkhawm \uma an thurel bawhzui dan an thlirlet bakah sorkar kum liamta 2018-19 chhung an hnathawh leh sorkar kum kal mek 2019-20 chhunga hmachhawp leh State Medicinal Plants Board hnuaia thawktute hlawh chungchang an thlir hova, National Campaign on Tinospora Cordifolia (Hruivankai) Project hnuaia hmalak tawhna leh hmabak la awmte an sawi ho bawk.
Hemi hnu hian Health Minister, Dr. R. Lalthangliana chuan, National Campaign on Tinospora Cordifolia (Hruivankai) Project a hawng nghal a. Pathianin Mizoramah hman \angkai theih ramhmul damdawi \ha tak tak a dah a. Heng thilte hi dap chhuah a, hman \angkai a nih theih nan sorkar chuan theihtawp a chhuah mek a. State Medicinal Plants Boards pawh hemi kawnga kutke ber ni turin thuam famkim chhoh zel dawn tih sawiin, SEDP hnuai atangin sum pawh a \ul dan ang zela dap a nih tur thu a sawi.
