Mizoram State Librarian Pi Zirsangzuali’n State Library-ah Lehkhabu \ha leh rawn tlak tam tak awm mahse mipui ten an hmang\angkai tawk lo tih a sawi. Hemi chungchanga ZONET zawhna chhangin Pi Zirsangzuali chuan, Mizoram State Library awmna chu a hlat deuh avang leh lirthei nei lo tan pan a buaithlak deuh avangin tlawhtu pawh an tla hniam deuh nia a hriat thu a sawi a, a awmna hmun chu ualau leh pan awlsam na laiah awm se tun aia tlawhtu leh pantu an tam theih a rinthu a sawi.

Pi Zirsangzuali chuan, Library chu College zirlai ten an pan tam ber tih a sawi a, naupang pawh tlawhtu an awm thin thu a sawi a, hethrual hian lehkhabu chhiar lamah tun hma aiin mipuite an taima tawk tawh lo nia alan thu sawiin Lehkhabu chhiar uar thar leh a tul thu a sawi.

Pi Zirsangzuali chuan, Libracy chu tichangtlun chho zel a nih thu a sawi a, Internet Center te, Carrier Guidence section leh rualban lo te tan Specially Able Section pawh siam tumin hma an lak thu leh lehkhabu rawn duh nei ten a hmuna kal kher ngai lova an lehkhabu duh a awm leh awm lo awlsam zawka an hriat theih nan Online Public Access Catalog pawh neih tumin hma an la mek tih a sawi a ni. Mizoram State Library hi kumin AUgust thla thleng khan tlawhtu 2963 an awm a, member inziak lut hi puitling 254 leh naupang 44 an awm a, zirlai tlawhtu 1339, leh research scholar 72 an awm thung a ni. Tun dinhmunah Lehkhabu 67,526 a awm a, general 44618, naupang lam 5481, hindi 17427 te a awm a ni.