He Session hi Protem Speaker, Pu Lalrinawma’n a kaihruai ang a, member thlan tharte rinawmna thu tiam tirin Assembly member atan a la lut dawn a ni. Hemi hnu hian Speaker thlanna neih nghal a ni ang a, Speaker thlan zawhah hemi ni atana Session chu zawhfel a ni ang. Speaker tur atan hian MNF Party Official Candidate Pu Lalrinliana Sailo chauhin a hming a pe lut a, Opposition lam a\angin chuh tuma hming pe lut an awm ve loh avangin chuhtu awm lova thlantlin a nih a rinawm ta a ni.
Session ni hnihna, Nilainia neih turah dan pangngaiin Larsap, Kummanam Rajasekharan chuan House-ah thu a sawi ang a, a thusawi chungchanga lawmthu sawina motion rorellai pawl member lam a\angin put luh a ni ang a, hemi ni hian session tihtawp a ni ang a, a tuk, ni 20-a Session chhunzawm leh a nih hunah chuan hun hmasa chu session hmasa leh tun session inkara MLA thi ta Pu S. Laldingliana s<n nan hman a ni ang. Pu S. Laldingliana hi November ni 3 zing khan chaw dawt cancer vangin Lungleiah a thi a, hemi ni vek hian vui nghal a ni. Member hlui thi sunna neih hnu hian House-a Larsap thusawi chungchanga lawmthu sawina motion putluh sawihova, pawmpui tum a ni ang.
Hetih lai hian Social media-ah Deputy Speaker tur Pu Lalrinawma tia thehdarh a awma, hemi chungchanga Zonet zawhna chhangin MNF Party hruaitute chuan he thu thehdarh hi thil dik nithei tho niin an sawi a, amaherawh chu dan anga thlan a ngaih dawn avangin Speaker thlan thar chuan Deputy Speaker thlanna neih hun he session chhung hian a puang ang a, dan angin nomination thehluh hun a siam bawk ang a, chumi hnu chuan rorel lai pawlin Deputy Speaker tura an ruat in Nomination a file anga, opposition lam a\anga file ve an awm chuan inthlanna neih a ngai anga, an file ve loh erawh chuan rorel lai pawl Candidate chu chuhtu awm lova thlan tlinah puan a ni dawn a ni.
