Mizoram State Legal Services Authority Member Secretary, Pu Vanlalenmawia’n nimin khan Dawrpui Vengthara Govt. KM Higher Secondary School-ah Legal Aid Clinic thar a hawng a, hemi rual hian Legal Awareness Campaign neih nghal a ni.

He inkhawmah hian Advocate Pu T. Lalnunsiama’n hursualna laka naupangte ven himna dan, Protection of Children from Sexual Offences leh Cyber Crime chungchang a sawifiah a,

Gauhati High Court, Aizawl Bench-a Jt. Registrar, Pu Laldinpuia Tlau-in ram danin mipuite dikna leh chanvo a pek leh khua leh tui an nih anga mawhphurhna an neih chungchang a sawifiah a. Govt. KM Higher Secondary School Principal, Pu Lalnunzira Miller leh Aizawl District Legal Services Authority Secretary, Pi Sylvie Z. Ralte pawhin thu an sawi bawk.