Mizoram Law College Legal Chamber-a buatsaih Zonal Seminar on Legal Services to Victims of Drug Abuse and Eradication of Drug Menace hi Law & Judicial Minister Pu Lalsawta’n a hawng a, ruihlo vangin chhungkaw tamtakin harsatna an tawk a, \halai tam takin an thih phah a, retheihna leh harsatna dang tam tak a thlen bawk a ni a ti a, ruihhlo do hna chu thil hautak tak anih avangin hemi kawnga kum tam tak beihpui lo thlak tawh YMA pawhin beidawn rum rum chang a nei fo a, ruihhlo tawlhrututen an phu tawk hremna an hmuh theihna tura \an lak a ngai a ni a ti.
Thusawitu dang, Gauhati High Court Judge, Justice Michael Zothankhuma chuan ruihlo vangin khawvel ram zawng zawng deuh thawin harsatna an tawk a, ruihlo chungchanga hrem tawk tam zawk chu tlem tham te te kawltute an ni a, tam tham man sakte leh sumdawnna lian tak anga kalpuitute chu hremna pek an awm mang lo tih sawilangin, a mantu leh a chhuitute lamin dan hnuaia chinfel turte felfai taka an kalpui loh chuan court tan hremna pek a harsa \hin a ni a ti.
Zonal Seminar hawnna inkhawm hi Mizoram State Legal Service Authority Member Secretary Pu Vanlalenmawia’n a kaihruai a, Haryana, Punjab, Manipur, Nagaland, Assam leh Maharashtra a\angte in mithiam rualin seminar hi an chhim a. Thusawitute zingah Govt Mizoarm Law College Principal Dr Rualkhuma Colney, Law and Judicial Secretary Pi Marli Vankung, Social Welfare Director Pi Laldikkimi, NALSA Member Secretary Pu Alok Agarwal, National Mental Health Mission Nodal Officer Dr Robert L Khawlhring, National Law University Nagpur-a Associate Professor Dr Vijay Pratap Tiwari leh Govt Mizoram Law College Asst Professor Dr YP Singh te pawh an tel a ni.
