He inkhawm hi Mizoram State Legal Services Authority Member Secretary, Pu Vanlalenmawia’n a khaihruai a, an hmalakna hrang hrang bakah Supreme Court thuchhuak anga naupangte dikna chanvo humhalh chungchang a sawifiah a ni. Govt. Saitual College Principal, Dr. Lalsiamhnuna pawhin, mi tin mamawh dan hriatna lam an College zirlai leh zirtirtute hrilh an ni chu an lawm hle tih a sawi a ni. He Legal Awareness Campaign-ah hian Advocate pahih Pi Lalfamkimi leh Pu Johny Lalengmawia Tochhawng-in POCSO Act, Criminal Act, Domestic Violence leh Cyber Crime chungchang an hrilhfiah a. POCSO Act sawifiahtu, Pi Lalfamkimi chuan, mipat hmeichhiatna lam rawngkaia inkhawih piah lamah \awngka a in fiam leh inchhaih te, hmeichhe zahawmna tibawrhbang zawnga chetna reng reng chu dan mit a\anga chuan sual lian tak, kum tam tak Lung in tan theihna a nih bakah sum chawi theih a ni tih sawiin, fimkhur a ngai hle a ni, a ti a. Pu Johny Lalengmawia Tochhawng pawhin, khawvel hmasawnna leh changkanna chuan sualna chi hrang hrang a keng tel ve fo tih sawiin, chung zingah chuan Cyber Crime chu khawvelin a buaipui nasat ber te zing a mi a ni, a ti a. Mizoramah pawh nikum chhung khan Cyber Crime thubuai 11 ziahluh a ni a, thubuai inchiah mek tam tak a awm bawk nia sawiin, Fake account hmanga mi pawisawi leh tihhmingchhiat thubuai te, ATM card hmanga inbumna, Internet kaltlanga ingaihzawnna leh inbuman, hna hmuh sak tura inriamna leh Online hmanga thil lei leh hralh chu Mizorama thubuai langsar zual a ni tih a sawi a. Hei hi awlsam taka inbum theihna a nih rualin fimkhur tan chuan awlsam tea tlansan theih a nih bawk avangin mipuite an fimkhur thiam a pawimawh tak meuh tih a sawi.
He inkhawmah hian zirlaiten zawhna leh thil hriat thiam loh hrang hrangte chu mi thiamten an hrilahfiah nghal bawk.
