Minister an hmuhnaah hian Mizoram State Legal Services Authority Member Secretary, Pu Vanlalenmawia chuan, dan lama tawnhriat \ha tak nei Minister atan an nei chu an lawm hle tih sawiin, an hmalak zelna turah pawh chak zawka hma an lak theih a beisei tih a sawi a. Mizoram State Legal Services Authority mamawh an thlen zingah Mizoram Legal Services Rules, 1996 siam \hat chungchang te, District 8-a Legal Services Authority-te hnathawhna tur mamawh chi hrang hrang te, Legal Services-a thawktu indaih loh chungchang te, Alternate Dispute Redressal Centre (ADRC) sak mek chu sak zawh thuai anih theih nana \anlakpui tur leh Mizoram-in Mental Hospital a neih theih nana hmala tura an duh thu an thlen a ni.
An inkawmnaah hian Law Minister, Pu TJ Lalnuntluanga chuan, Mizoram State Legal Services Authority hotuten a hnena thu an thlente chu a \ul anga bawuzui a, enchian a nih tur thu sawiin, Minister tan mahni maia hnathawh theih a ni lova, Department hotute nena inrawn tlanga theihtawp chhuah a tum thu a lo hrilh a ni.
