He dan zirhona hi Mizoram State Legal Services Authority Member Secretary Pu Vanlalenmawia’n a kaihruai a, Special Public Prosecutor, Pi K. Lalremruati chuan, kum 2012-a rampuma POCSO Act hman a nih a\angin Aizawl District-ah Case 300 vel ngaihtuah ngai awm reng ang a nih thu a sawi a, heng zinga case 27 chu chinfel tawh a nih thu leh convict 24 an awm thu a sawi. Pi K. Lalremruati chuan POCSO Act chu naupang kumtlinglote hmeichhiat mipat lam rawngkaia khawsak pui te, tihluihnaa an serh bawr leh taksa dang khawi te, sex rawngkaia chhaih te chu thubuai siam sak theih an nih thu leh damchhung lung in tan bakah pawisa chawi tir theih an nih thu sawiin fimkhur a \ul thu a sawi.
Cyber Crime tih thupui hmanga thusawitu Advocate Johny Lalengmawia Tochhawng chuan, Cyber Crime thlen chhan tam ber chu sum duh vang te, phuba lak duh vang te, hlimhlawp bawl duh vang te leh thulakna mumal sawi tur hre si lo leh a nihna tak hre si lova thusawi mai mai leh ziak mai mai vang te, journalist emaw inti tlat, thutak tak buaipui lova, a landana thil thlir \hin te, thulakna lai lo lutuk mahse sawi huai si vangte-in a thleng fo \hin a ni a ti. Johny Lalengmawia Tochhawng chuan, Cyber Crime-in electronics media hrang hrang Radio, Television, Audio, Video, Internet leh Mobile Phone bakah Computer, Software, Electronics leh Telecommunication hmanrua hrang hrang a huam tel vek tih a sawi a, a neitu phalna la lova Lehkhabu, Video Film, Audio Cassette leh Computer Software te lo Copy chhawn leh sumdawn nana lo hman chu dan kalh a nih thu sawiin thil hriatchian loh leh rinthu sawi emaw, social media lama post chu dan bawhchhiat theihna a nih thu leh lung in thlenga tan theihna a nih thu sawiin fimkhur a pawimawh hle tih a sawi bawk.
