He zir hona hi MSLSA member Secretary, Pu Vanlalenmawia’n a kaihruai a, MIMER Director, Dr. L. Fimate-in Medico Legal Cases-in a huam theih chin leh hemi atana thil \ul pawimawh hrang hrang a sawifiah a. A ni bakah hian Aizawl Civil Hospital-a Forensic Medicine Toxicology Department Head, State Medico Legal Officer nibawk, Dr. Lalringmaia’n tualthahna leh pawngsual chungchanga thil thleng chhui chian dan a sawi a, Kulikawn Hospital-a Psychiatrist, Dr. Ruth Lalmuanpuii’n rilru lama harsatna neite hliam leh intihnat theih dan sawifiahin, Forensic Science Laboratory Director, Pu Sangchungnunga’n DNA test hmanga pawikhawihna leh a hnuhma enfiah dan a sawifiah bawk.
MIMER Director, Dr. L. Fimate sawi danin, Medico Legal Case hian chetsualna chi hrang hrang- lirtheia chetsualna, khawl hmanga intihpalh, ransa-in a hliam, hmun sang a\anga tlakte bakah mahni intihhlum, tualthah, intih nawmnah, mipat hmeichhiatna lam hawi, kang, electric hmanga inhliam, rul chuk, thihna thleng thut, nausen thihna, inzai leh hnim hlum hman laia thihna thleng, eitur thianghlim lo ei vanga thihna leh natna thleng, damdawi hman vanga vanduaina thleng, rinhleh awm thihna, Police leh Court a\anga thubuai dawn leh thil dang tam tak a huam a. Thihna leh vanduaina thleng \hin chu duh reng vang ni lova midang tihluih emaw tawn palh thei a nih avangin thubuai enfiah kawnga fimkhur tura hmalak a ngai a ni, a ti. He zir honaah hian Police Officer-te, Aizawl khawpui chhunga damdawi in hrang hrang leh District Hospital tina Doctor-te, Court roreltute, sorkar ukil leh Private Ukil \hahnem tak an tel a ni.
