Meeting hi Health Minister Dr R Lalthangliana’n a kaihruai a, Mizoram State Health Care Scheme hnuaia dam lo damdawiin pantuten zin veivahna atana an sum sen ral an hmuh let tel theih dan tur te, sorkar hospital bakah mimal hospital pawhin health care scheme an kalpui theih dan turte an sawiho a, hnathawktuten 7th pay an dawn ve theih dan tur pawh an rel bawk.
Mizoram State Health Care Scheme hi April 2008 atang khan kalpui tanin cheng nuai 3 thleng damlo inenkawlna hmuhlet theih a ni thin a, kum 2018 October thla atang khan MSHCS leh AB-PMJAY chu chhunfinin chhungkaw pakhat tan cheng nuai 5 thleng inenkawlna senso hi hmuhlet theih a ni a. AB-PMJAY hi khawsak harsa zawkte tan damloh nikhuaa inenkawlna atana duan a ni a. Sorkar atanga khawsak harsa zawkte chhawmdawlna scheme a ni.
