Health Care Scheme hotute hnen a\anga Zonet thudawn danin, Mizoram Sorkar-in Health Care Scheme a duan leh sorkar laipuiin Ayushman Bharat Pradhan Mantri Jan Arogya Yojana (AB-PMJAY) a duan chu kaihkawp a ni a, AB-PMJAY hnuaiah hian natna \henkhat Bill theih loh a awm nual avangin mipuite chu Golden Card an nei a nih pawhin Mizoram State Health Care Scheme-a inziaklut vek turin an ngen a ni. Health Care Scheme-ah hian BPL tan Rs. 100 leh APL tan Rs. 500 chawia Sub Centre hnai berah inziahluh theih reng a ni a, Health Care Scheme-a inziaklutte chuan kum khatah an inenkawlna senso cheng nuai 2 thleng an Bill thei a ni. Zawhna chhangin Health Care Scheme hotute chuan, Mizoram pawna Sorkar-in a pawm damdawi in-te chu Mizoram sorkar-in damlo inenkawlna Rate a siam pawmtute vek an nih an nih thu leh tun dinhmunah chuan sorkar-in Rate a siam piah lama damlote hnena sum lak sak an awm an hriat loh thu an sawi a. Hetiang harsatna hi awm ni se chuan damlo lam a\anga complaint an dawn an rin thu leh tun thlenga an la dawn loh avangin damlo hnena sum laksak an awm an rin loh thu an sawi. Hun engemaw chen Private damdawi in \henkhatin Mizoram State Health Care Scheme an zawm loh chhunga sorkar-in a pawmpuina a tihtawp lailawk chungchangah Health Care Scheme hotute chuan, khatih chhung khan damlo enkawlna kawngah harsatna lutuk an tawh loh thu an sawi a, khatih chhung khan Aizawl khawpui chhunga sorkar enkawl damdawi Aizawl Civil Hospital, Falkawn Referral Hospital leh Kulikawn Hospital-ah damdawi ina leng lo khawp damlo an awm lova, sorkar-in damlo Admit theihna tura a ruahman Urban Health Centre-te pawh a ruah deuh vek avangin damlo enkawlna kawngah harsatna lutuk an tawk lo tih an sawi.
