Mizoram State Cooperative Marketing & Consumers’ Federation Ltd. (MIZOFED) Board of Directors vawiina an Chairman Pu K Laldawngliana hova thukhawm-in Aizawl leh Lungleia MIZOFED Petrol Pump chu kumin June thla tangin darkar 24 chhung hawn an rem ti a, hei hi Sorkar leh mipuite mamawhna vang a nih thu an sawi.

May 2, 2019

547

views

Meeting hian an pawl Annual General Assembly chu June ni 18 ah neih an rel a, mipui ten eirawngbawlna Gas hnianghnar zawka an hmuh theih nan a phurhna tur Truck 2 leibelh an remti a, an pawl member nih dilna lut te an pawm vek a, zuangtuia MIZOFED kudam cheithat leh thawktute EPF chungchang te an rel bawk.