Mizoram State Consultative Committee on FCI Chairman, Rajya Sabha member Pu Ronald Sapa Tlau-in mipuiten Ration buhfai buk dik an lak theih nan FCI-in weght bridge a neihte chu Central YMA leh Supply Department hriatpuinaa a zing thei ang bera endik remtih a ni tih a sawi.

He thu hi vawiina Mizoram State Consultative Committee on FCI-in Hotel Regency Conference Hall-a \hutkhawm pawimawh an neih zawha thuthar thehdarhtute a kawmnaah sawiin, Pu Ronald Sapa Tlau chuan rel hmanga Bairabi-a buhfai phurh thlen \hin chu Pathiannia thlen chang a neih avanga khawtual miten harsatna an tawh \hin sutkian nan buhfai hi Pathiannia thleng tawh lo tura ruahmanna siam remtih niin a sawi a, he thu hi hmarchhak bialtu Railway hotute pawh sawipui tawh niin, a theih chin chinah hmalak an tum thu an hrilh tih a sawi.

Zawhna chhangin Pu Ronald Sapa Tlau chuan remchan zawkna avanga Tanhril a\anga Sairang Dinthara FCI Kudam sawn tur chu hna \an a la nih loh thu leh tunah hian sawn a nih theih nana thil \ul hrang hrang buaipui mek a nih thu a sawi bawk. Mizoram State Consultative Committee \hutkhawmnaah hian Supply Director, Pi Shashanka, Central YMA Treasurer, Pu Lalrochuanga Pachuau, Mizoram Truck Owner leh Driver aiawhte an tel a ni.