MSCW Chairperson Pi Lallawmchhungi kaihhruai zir hona hmanpuitu Social Welfare Minister Dr. K.Beichhua chuan ram changkang leh hnam changkang tehna pawimawh tak chu khawtlang nun hona-ah hmeichhiate dinhmun a \ha em tih a ni \hin tih a sawi a, hmeichhiate dinhmun chawikan leh an dikna leh chanvo humhalh chu sorkar in a ngai pawimawh a ni a ti.
Hawnna inkhawmah hian Mizo hmeichhia Chartered Accountant te – Laltluangkimi Chinzah, Jewel Lalthasangzuali leh R.S. Roneihpuii te hnenah chawimawina hlan a ni a, MSW hnuaia Legal Cell Member, Dr. P.C. Lalramenga’n Hmeichhiate Hriselna chungchang a sawi a, Dan Hnuaia Hmeichhiate Chanvo leh Rorelna Court tih thupui te, in chhung khura kutthlak an tawrh theih laka hmeichhiate humhimna, The Protection of Women from Domestic Violence Act, 2005 chungchang te leh Mizo inneih, in\hen leh thuam chhawm dan, The Mizo Marriage, Divorce and Inheritance of Property Act, 2014 chungchang te, Kohhran hrang hrang aiawh hmeichhia hruaitute leh NGO hruaituten an zirho a ni.
