MSCPCR Chairperson, Pi Sangzuali Vanchhawng chuan, loh theih loh thilah lo chuan naupangte chu Home tia sawi \hin, Child Care Institution-ah te dah loh a \ha ber tih sawiin, tuna a lan danah Home hrang hrang chu inenkawlna a \hat avangin Hostel ang maia ngaia mahni fate dah an awm \hin chu sim a ngai tih a sawi.
Pi Sangzuali Vanchhawng chuan, home \henkhat chuan an enkawl tur baka tam naupang an enkawl tih sawiin, hei hi danin a phal loh a nih avangin zawi zawia siam\hat mek zel a ni, a ti a. Home chu chhungkuain harsatna an tawh chhung naupang lo enkawl lailawkna atan hman tur a ni a, hun rei tak indahna tur a ni lo tih a sawi.
Pawngsual tawktu \henkhat inbiakremna hmanga sum tlemte chawia inremsiam an awm \hin chu tih loh tawp tur a ni tih sawiin, MSCPCR Chairperson chuan, naupang pawngsual chungchangah hian nu leh pa chu a ngaidam theitu an ni lova, dan hmanga rorel ngei tur a ni tih sawiin, pawikhawihtu ngaihdam chu a tuartu naupang tan a \hat loh theih avangin tih loh tawp tur a ni, a ti a. Rigth to Education Act hnuaiah naupngten zirna kawnga an chanvo dik tak an hmuh theih nan Commission chuan hma la zel dawn tih a sawi bawk.
An inkawm hona kaihruaitu, MSCPCR Commission Member, Pu J. Malsawmzuala Vanchhawng chuan, naupangte chuan chhungkaw harsatna avangin an in aiin Child Care Institution-ah silfen, ei leh bar leh thil dang \ha zawk an dawng pawh a ni thei a, hei hi naupangte mamawh ber a ni lo tih sawiin, chhungkuaa an seilen a, nu emaw pa emaw uapna hnuaia seilen chu an nun kaihhruaina \ha ber a ni a ti a, Home-a naupang dah chu an rilru thleng nghawng thei a nih avangin loh theih loh thilah lo chuan hmun danga naupang dah lo turin nu leh pate leh an chhungte chu beisei an ni, a ti. He zir honaah hian MJA member-te zawhna hrang hrang chu Commission lam a\anga mithiamten an hrilhfiah nghal zel a ni.
He zirhonaa tarlan anih danin tun dinhmunah Mizoram hmun hrang hrangah Child Care Institution 52 awmin nuapang 953 an awm a, chung zinga 396 chu hmeichhe naupang an ni a, a bak 557 chu mipa an ni. Mizoram State Commission for Protection of Child Rights hi The Commission for Protection of Child right Act, 2005 hmanga din a ni a, he Commission hian hna chak taka a thawh theih nan leh a tih turte fel taka a tih theih nan mahnia thuneihna nei, Independent Body-a din niin, nikum March thla a\anga khan mumal taka kalpui \an a ni a, tunah hian Commission hi Chairperson-in hovin member 3 leh Commission secretary pakhat bakah thawktu dangten naupang dikna leh chanvo humhalh kawngah hna an thawk mek a ni.
