Mizoram State Tobacco Control Society bul tumin Mizoram State Anti Tobacco Day vawi 4-na chu vawiin khan Mizoram pumah hman a ni a, Aizawla a hmanna pui ber Lal Thanhawla Auditorium a neihah CM, Pu Lal Thanhawla chuan, zuk leh hmuama zirlaite an fihlim theih nan zirtirtute mawh a sang hle tih a sawi a, zirtirtute an nih ang ngeiin an nungchangah an lanchhuahtir a \ul a ni tih a sawi. Pu Lal Thanhawla chuan, state dangah Mizo-ten zuk leh hmuam leh pankhawr an ei \hin avangin inkhawmna tur hnawng an awm niin a sawi a, Mizoram chu ram pumah Cancer leh Aids vei tamna a nih avangin inenfiah a ngai hle a ni, a ti bawk. He inkhawmah hian CM chuan zuk leh hmuam do kawnga thawk \ha thlan chhuahte hnenah lawmman a hlan a, lawmman dawngtute chu Zarkawta New Life Hospital, Millennium English School, Zemabawk, Govt. Serchhip College, Kolasib District Hospital leh Mizoram Amateur Taekwondo Association te an ni. He inkhawm hi Health & Family Welfare Secretary, Pu Lalrinliana Fanai-in a kaihruai a, Indian Society on Tobacco & Health, Mizoram Chapter President Pi Lal Riliani, National Tobacco Control Programme, State Nodal Officer Dr. Jane R. Ralte leh mi pawimawh dangten thu an sawi bawk.
Anti Tobacco Day vawi 4-na hi vawiin khan Serchhip DC Meeting Room-ah pawh hman a ni a, infiammite tana zuk leh hmuam \hat lohzia tarlanna leh fihlim tura inzirtirna hun hman nghal a ni. Additional DC, Pu Chuauhnuna chuan tun hma lam khan Mizo pi leh puten zuk leh hmuam uar hle \hin mah se, tunah erawh chuan hriselna tichhe thei leh natna hlauhawm thlentu, nun ti tawitu a ni tih hriat a nih tawh avangin he thil \ha lo hi bansan a \ul tawh niin a sawi. National Tobacco Control Programme-a Consultant, Pi K. Hmingthansangi pawhin vaihlo a\anga thil siam \hat lohzia leh hriselna a tihchhiat dan a sawi a, Serchhip District Chief Medical Officer, Dr. Laldawngliana Sailo-in a kaihruai a ni.
