December ni 19-a MLP Rules sorkarin a tih chhuah takah Rule 15-na hnuaiah zu in leh lei phalna, Special permit pek theih tur chin hi tarlan a ni a, ram khat lal, ram palai leh a dangte, rampawn lam mi, hna neia Mizoram rawn tlawh, ram pawnlam mi firm/company Mizorama hna rawn thawk, khualzin ram chhung leh pawn a\anga Mizoram rawn tlawhtute bakah an hriselna dinhmun avanga doctor-in Zu in a phalsak ho te hnenah zu lei leh in phalna hi pek theih a ni.
Hetihlai hian an hriselna avanga zu in phal sak te chu vantlang hmun, zirna In, Hotel leh puipunna hmun a zu in phalsak an ni lova, \um khatah Docotr-in a chawh aia tam in phal a ni lova, zu in phalna pek midangte pawh an chenna pawna zu in phal a ni lo bawk. Chhan hrang hrang vanga zu in phalna pek te chu kum khat chhung April ni 1 atanga March ni 31 thleng a nung ang a, kum khat ral hnuah chuan zu in phalna permit chu pawisa chawi a tih nun leh zel tur a ni.
Mizorama Zu khapna dan, Mizoram Liquor (Prohibition) Act hi 2019 March thla Assembly Session ah pass a ni a, Larsapin a pawmpui hnuah hman \an nghal a ni a, Act hman \an anih a\anga thla 9-na ah Rules hi hman \an a ni.
