Thudawn danin Bonded Warehouse neitu pathumte chuan zu khawl khawmsa an la ngah avang leh zu khapna dan thar chu hman \an theih a la nih loh bawk avangin an license chu inthlan vuakvet zawhfel hma, May ni 27 thleng renew sak leh an nih theihna turin Court hi hmala turin an ngen a, an ngenna hi Gauhati High Court Aizawl Bench-a judge, Justice Michael Zothankhuma chuan vawiin khan a ngaihtuah a, court thutlukna hi naktukah hriat theih beisei a ni.
Puan tawh \hin angin nikum December ni 18-a Mizoram Sorkar Councils of Minister \hukhawm chuan MLPC Act hmanga zu zawrh chu tihtawp relin Sorkar Department kaihhnawih zu zawrh chu a ti tawp nghal a, December ni 21 a\anga kumin January ni 14 thleng Dry Day puan zui a ni a, hei hi sorkar-in pawhsei a tum laiin zu zuartuten Court-a an khin avangin zu chu zawrh lailawk leh a ni a, Zu zawrh phalhna license pek chhuahte a thih ni March ni 31 a\ang khan zu hi zawrh chhuah a ni ta rih lo a ni.
