Aizawl khawpui chhung hmun hrang hranga zu dawr fangkualtu Zonet Reporter sawi danin, zu dawr te hi nikum December ni 19 a\ang khan khar a nih tawh avangin dawr hrang hrangte chu a lun hle a, hetihrual hian dawr \henkhat chuan zu lakkhawl sa hralh tur an nei mumal lova, heti chung hian zu an kawl ang angte chu hralh a kal viau tho a ni. Zonet zawhna chhangin, Excise and Narcotics Department hotute chuan, tuna Sorkar-in zu zawrh phalna License a pek hmanga zu zuar mekte License hi kumin March ni 31 thleng a nung dawn tih sawiin, hemi hnua an License tih nun chhunzawm a nih tur leh tur loh chu Sorkar thuneihna a ni tih an sawi a. Vawiin a\anga zu dawr hawn thar leh chu High Court-in Dry Day puan a hnawl chhung bak a ni dawn lo tih an sawi. Excise hotute chuan, state pawn a\anga zu laluttu, Bonded Ware House neitute pawh sorkar-in Dry day a puan hmaa zu an lo chah lawk bak a thar chah belh lo tura tih an ni tih an sawi a, zu zawrh chhunzawm tur a nih leh nih loh chungchangah Sorkar hmalak dan a nih avangin tuna zu an chhek khawl vak chuan an hralh zawh hman loh a hlauhawm avangin zu hi lakluh \euh remtih a ni rih lo niin an sawi a ni.
Puan tawh angin, nikum Decmeber ni 18-a MNF kaihhruai Sorkar thar-a Councils of Minister \hukhawm hmasa ber chuan MLPC Act hmanga dan anga zu zawrh mek chu titawp lailawkin, January ni 14 thleng Dry day an puang a. Hemi bakah hian Sorkar Agency kaihhnawih hmanga zu zawrh mek pawh tihtawp nghal a ni a. Republic Day leh Chapchar lawmna boruak muanawm taka hman a nih theihna tur chhuanlama hmangin Sorkar chuan January ni 15 a\anga March ni 15 thleng atan Dry day puan hi a pawtsei leh a. He thutlukna avang hian Bonded Warehouse neitute leh Retail Vendor-te chuan harsatna an tawh nasat thu leh dan dik taka an lakluh zu an hralh theih loh avangin sum tam tak an hloh nia sawiin, Gauhati High Court, Aizawl Bench-ah sorkar thupek hi an khinglet a, hemi chungchang ngaihtuahtu, Justice Michael Zothankhuma Court chuan sorkarin hun rei tak chhung dry day a puan chu chhan \ha tawk awm lo nia ngaiin tunkar Thawhlehni khan a hnawl a ni
