Horticluture Development Board Vice Chairman, Prof. F. Lalnunmawia, MLA hova COVID 19 Vegetable Supply Chain kalpui mek dan thlir honaa tarlan a nih danin Mizoram hmun hrang hrang a\angin thlai leh thei Truck Trip 133 lei a ni tawh a, a khul nana sorkar sum a sen chu Rs. nuai 87.78 a ni a, thlai harlhna a\anga sum hmuh chu Rs. nuai 79.72 a ni a, sorkar sum hloh hi Rs. nuai 8 leh sang 6 a tling a ni.
Thei leh thlai lo thleng hi Aizawl khawpui chhung veng 74 bakah, damdawi in, BSF leh Home-ah te pekchhuah a ni a, \um 132 pek chhuah a ni tawh a. Home 6 eh Veng 3-ah a thlawnin Bawkbawn pek a ni tawh bawk.
Naktuk hian Zikhlum leh Bawkbawn bik chu aman tlawma pekchhuah tum a ni a, Zikhlum chu Kg. khat Rs. 20 leh Bawkbawn Kg. khat Rs. 15-a lei theih a ni ang.
Vegetable Supply Chain Committee chuan Aizawl bakah District hrang hrangte dinhmun pawh thlirin, tun dinhmunah harsatna lian tham a awm rih lo nia lang chu lawmawm an tih thu an sawi a. Kuthnathawktuten an thlai thar neih ang ang an hralh zel theih nan Inkharkhip a nih chhung chu he ruahmanna hi kalpui zel ni se an ti a ni.
