Zu zuartu, Boded Warehose neitute leh Retail Vendour ten sorkarin rei tak dry day a puan avanga sorkar an khinna chu Gauhati High Court Aizawl Bench in vawiin khan a ngaihtuah a, Justice Michael Zothankhuma court chuan sorkarin hun rei tak chhung dry day a puan chu chhan \ha tawk awm lo a ni a ti a, January ni 15 a\anga March ni 15 thleng dry day puanna order sorkarin january ni 14-a a tih chhuah chu a hnawl a ni.
MNF sorkar thar lo piang chuan sorkar agency leh police batallion te zu zawrh a tih tawp nghal bakah Krismas leh kumthar vuakvetah boruak muanawm tak a awm theihna tur chhuanlama hmangin December ni 18 a\anga January ni 14 thleng khan Dry day a puang a, Republic Day leh Chapchar lawmna boruak muanawm taka hman anih theihna tur chhuanlama hmangin January ni 15 a\anga March ni 15 thleng atan Dry day puan hi a pawtsei leh a ni.
MLPC Act hman mek laia, hetianga sorkarin hun rei tak chhung Dry Day a puan avang hian Bonded Warehouse neitute leh Retail Vendour te chuan harsatna an tawk nasa niin an sawi a, dan dik taka an lakluh zu an hralh theih loh avangin sum tam tak an hloh nia sawiin,. Gauhati High Court, Aizawl Bench ah sorkar thupek hi an khinglet ta a ni.
