Chief Minister Pu Zoramthanga hova vawiina Social Rehabilitation Board member te \hutkhawmnaah Se\hawn-a ruihhlo ngaite enkawlna hmun changtlung tak din dan tur hi sawiho a ni a, Sethawn ah hian ruihhlo ngaite tunlai thiamna hmanga an taksa enkawl dam te, counseling neihpui te, an chhuahsan hnu pawha an in tunnun theihna tur thiam thil zirtir te a, an taksa insawizawina tur hmun leh sum an dehchhuah theihna tur thlenga ruahmanna siam te an rel a ni.
Meeting kaihruaitu Chief Minister Pu Zoramthanga chuan Se\hawna hmalakna turah hian tlawmngai pawl te, Kohhran leh sorkar department hrang hrangte inlungrual taka thawh ho a \ul dawn a ni a ti a, mimal leh pawl ruihhlo ngai te enkawlna hmun de-addiction leh rehabilitation centre kalpui mekte chu sorkarin a theih angin a pui zel dawn tih a sawi bawk.
Social Rehabilitation Board Chairman, Social Welfare Minister Dr. K. Beichhua chuan De-addiction Centre hrang hrangten inang khat veka an zawm tur inkaihhruaina dan Standard Operating Procedure (SOP) siam a nih thu te, heng de-addiction centre te sorkar hriatpuinna accreditation pek theih dan tur ruahmanna te siam mek a nih thu a sawi.
Social Rehabilitation Board-ah hian Social Welfare Department, Health & Family Welfare Department, Sports and Youth Services, Higher and Technical Education, School Education, Police, Excise & Narcotics, Central YMA leh MKHC aiawh te an tel a ni.
