Aizawl Bazarpui vawksa zuar te hnena a\anga ZONET thudawn danin sorkarin vawk lakluh a khap hmain karkhatah vawk 300 vel Mizoramah a rawn lut \hin tih an sawi a, inrinni tukah vawk 30 vel an talh \hin thu sawiin khap a nih hnu hian vawk talh tur an hmuh tam berin 5 te a ni \hin an ti a, veng hrang hranga vawk talh \hin an \hiante pawhin talh tur an hmuh zawh \hin loh thu sawiin vawk sa lei tur awm chhun te pawh mipuiin an inchuh zo thuai \hin tih an sawi.
Vawksa a van avang hian Bawng sa hralh a kalphah chuang lo niin Aizawl New market Sa zuar Controller Board President Pu F Vanlalbela chuan ZONET a hrilh a, inrinni tuk dang aiin an talh tam phah chuang lo tih sawiin hetihlai hian Arsa leh Sangha erawh chu hralh a kal deuh thung niin a sawi.
Pu F Vanlalbela chuan, Sorkarin ram pawn leh state thenawm atanga vawk lakluh a khap lai hian a sa rep leh vawksa a\anga siam eitur dangte erawh chu a rawn lut reng tho tih a sawi a, hei hi khap a ni ve lo em ni tih chu an zawhna a nih thu sawiin sorkarin enfiah se an duh tih a sawi a ni.
Puan tawh angin ram \henawm Myanmar-ah vawk natna African swine fever leh PRRS te a len avangin Mizoramah vawk pum leh a sa a\anga siam te lakluh khapna thupek District hrang hrang thuneituten an ti chhuak a ni.
