He hriattirna hi Mizoram Larsap chuan Mizoram Lok Ayukta Act 2014, Section 4(1) tlawh chhanin a chhuah a, Pu C. Lalsawta hian he hna hi a zawm a\anga kum 5 chhung a chelh thei dawn a, amaherawhchu, kum 5 a thawh hmaa kum 70 a tlin hman erawh chuan a chawlh a ngai dawn a ni. Lok Ayukta hi Chief Minister a\anga a hnuailam Minister dang zawngte corruption thil ti nia hriat an niha an chungchang chhuitu tur leh hremna pe theitu tur a ni.
Pu C. Lalsawta hi Reiek khua loneitu Pu Ngama leh Pi Laithangpuii te fapa a ni a, Shillong-a St. Edmund’s College-a BA a zawh hnuah UPSC hnuaia Civil Services exam-naah telin IA&AS-ah a inziak tling phawta, chumi hnuah Civil Service exam-na bei zui zelin kum 1981 khan IAS-ah a inziak tlinga, Bihar Cadre-ah dah a ni a, a hnathawh chhung hian hming\ha tak leh rinawm taka hnathawkin Mizoramah pawh kum 2008 a\anga 2011 thleng khan Principal Secretary, Finance, GAD leh a dangte changin a lo thawk tawh a, Bihar-a a let leh hnuah pawh Bihar-ah Principal Secretary te, Planning Board Adviser te leh Chief Secretary tlukpui Vigilance Commissioner-ah te dah a ni a, kum 2015 September thla khan Superannuation pension-in a chhuak a ni.
