Mizoram sorkarin state chhung bika chhiah chi hrang hrang a\anga hmuh a beisei zat chu cheng vbc 661.69 a ni a, hei hi sorkar kum kal meka hmuh tum zat vbc 573.69 aiin za zela chhutin 15.34 in a pung a ni. Hei bakah hian chhiah pangngai ni lo, sorkarin mipuite tana thil a chhawp chhuah sak hman man ang chi, non tax revenue a\anga sum hmuh tur beisei pawh cheng vbc 459.30 a\angin 2020-21 ah chuan vbc 583.07 ah a kai chho a, a punna hi zaa 26.95 a tling phak a ni. Mizoram sorkarin sum a thawh chhuah ve tur chhut lawk hi a vaiin cheng vbc 1244.76 a ni a, budget hmasa aiin zaa 20.50 in a pung a ni.
Budget pharhtu Chief Minister Pu Zoramthanga chuan kum kaltaah khan sorkar sum hmuh tura beisei zat hi kum hmasa lam aiin zaa 27.97-a tihpun a lo ni tawh tih a sawi a, khatih hunlai kha Zu zawrh tihtawp \an hunlai ni mahse, sorkarin theihtawp a chhuah avangin December 2019 thleng khan hmuh tura beisei zat a\anga zaa 83.16 hmuh a ni tawh tih a sawi a, zaa 16.84 la hmabak chu harsa lo takin sorkar kum kallaiah hmuh theih a beiseiawm tih a sawi.
Sorkar sum hmuh tura beisei tih pun a nih lai hian chhiah thar lak tumna emaw, bill \henkhat tih san tumna emaw a awm em tih chanchinbumite zawhna chhangin Pu Rama hian sorkarin sum a hmuh tur tam tak, khawn \hat loh vanga hmuh tur ang hmuh phak loh a tam tih a sawi a, mipuite phurrit thlen lo tur zawnga hmalak zel sorkarin a tum dawn tih a sawi.
