Thawh khatna atana PAHOSS hmutute hnena sum pek chhuah tur hi cheng nuai 1,746 a ni a, an in sak sa emaw sak lai mek leh la sak turte emaw, man chawia vantlang motor park-na atan buatsaih thei ten he ruahmanna hnuaiah hian tangkafaia \anpuina an dawng thei a ni.
Chief Minister Pu Zoramthanga hian Aizawl khawpui chu State khawpui zinga traffic jam awm lohnaah siam sorkarin a tum tih a sawi a, PAHOSS chu a bul \anna chauh a ni a, ruahmanna dang pawh siam belh zel tum a ni a ti. Chief Minister hian PAHOSS chu Aizawl-ah chauh ni lovin district khawpui dangah te pawh a remchan dan ang zela kalpui theih dan ngaihtuah a nih tur thu a sawi.
Inkhawm hi Chief Secretary Pu Lalnunmawia Chuaungo, PAHOSS Executive Committee Chairman ni bawkin a kaihruai a. UD&PA Secretary Dr. C. Vanlalramsanga, Committee Member Secretary pawhin thu a sawi.
Mimal emaw, pawl emaw, motor park theihna hmun siam thei, a tlem berah LMV 5 tal dah theihna siam theite chuan motor pakhat zel parkna-ah Sorkar \anpuina Rs 1,00,000/- an dawng thei a, \anpuina dawngtute hian a tlem berah kum 10 chhung tal Public parking atan an hmang ngei tur a ni a. PAHOSS atan hian kum 2019 – 2020 budget ah cheng nuai 6000 dah a ni.
