Din a nih hnua \hutkhawm vawi khatnaah hian Board Vice Chairman Pu H. Lalzirliana, MLA leh Member secretary, Pu JC Ramthanga, PWD Secretary leh Additional Chief Secretary nibawk te bakah member dangte an tel a, Board hmalak dan tur ruangam an sawi ho a ni.
Chief Minister chuan hnathawh vil leh enzui ngaihpawimawh \ul a tih thu a sawi a. Kawng chu hmasawnna hnukpui a nih avangin hmasawnna ruangam dangte din hlawhtling tur chuan inkalpawhna kawng \ha neih hmasak a \ul a, ruah tui hul veleh kawng khuar hnawhkhat leh siam\hat hna thawh thuai a ni ang a ti.
Kawng thar laih leh leh kawng awmsa enkawl te, hmasawnna ruhrel dang din dan tur te leh sum mamawh hmuh theih dan turte an sawiho a, project siam te leh hna thawh enzui te chu board hmalakna tur a nih thu te sawiho a ni.
|hutkhawmnaah hian State Planning Board Vice Chairman Pu H. Rammawi, Adviser to CM Pu C. Lalramzauva leh Board member dangte an tel a. Road & Infrastructure Development Board ah hian Finance Secretary, Planning & Programme Implementation Secretary, UD&PA Secretary, PWD E-in-C, AMC Mayor, leh UD&PA Director te bakah mimal paruk member atan ruat an ni.
