State hrang hranga Mizoram House-te leh Mizoram Secretariat Office-a file kal dan zirchiang tura din, Administrative Reforms Committee hian an report volume-1 chu Chief Minister Pu Zoramthanga hnenah vawiin khan an thehlut a, Civil Secretariat-a File kal kual mek danah mipuite leh sorkar tan \ul lova hun khawhralna tam tak awm nia an hriat thu an report ah hian an tarlang a, awlsam zawk leh sorkar tana him tur sia tawi zawka File kaltir dan tur rawtna an thlen a ni.
Administrative Reforms Committee hian khawpui hrang hrang, Mumbai leh Bengaluru tih loh New Delhi, Kolkata, Guwahati, Shillong leh Silchar-a Mizoram House te a hmunah kalin an zirchiang a, Mizoram House-a post \hen khat pawn lam mi rawih \ha zawka an ngaih te, mikhual thlen dan chungchanga siam\hat ngai lai nia an hriat te, a building-te bakah choka enkawl dan tur \ha zawk nia an hriatte leh kawng hrang hranga sorkar tana zangkhai zawka kalpui a nih theih dan tur rawtna te an thlen bawk a ni.
Administrative Reforams Committee hi kumin May ni 9 khan sorkarin a din a, Chairman-ah DGP hlui Pu Lalngheta Sailo leh Secretary-ah DP&AR Jt. Secretary nilai Pu Lalrinsanga te ruat an ni a, member te chu Pu Nghaklianmawia MCS (Rtd), Pu Lalthansanga MF&AS (Rtd) leh Pi K. Vanlalrawni, MSS (Rtd.) te an ni.
