Kum 83 mi nia thi Upa C. Sangzuala hian a nupui Pi Lalthanpari leh a tu leh fate a kalsan a ni. Upa Belliama (L) leh Pi Lianzingi (L) te fa 6 zinga upa ber Upa C. Sangzuala hi kum 1937 khan Tualbung khuaah a piang a, Govt. High School Aizawl a\angin matric a zir zo a, Sesawng khuaa Private Middle School-ah Head Master hna thawkin Kum 1960 ah PWD Mohurrir hna a thawk leh a, hemi hnu hian Pathian rawngbawl a duh avangin kum 1969 ah Aizawl Theological college atangin B.Th a zir zo leh a ni.
Kum 1972-ah Mizoram Synod hnuaiah Probationary Pastor te, Synod pisapui lamah hna pawimawh chi hrang hrang te a thawh hnuah kum 1998 khan a pension a ni. Hemi hnu hian Political Party-ah lutin Mizo National Front a zawm a, Aizawl South II bial atangin MLA atan thlan tlin a ni a, Dy Chief Whip mawhphuhrna pek a ni a, Mizo Customary Law Committee Chairman leh mawhphurhna pawimawh hrang hrang pek a ni a, a thih ni thleng hian MNF Gen. Hqrs. ah Adviser a ni.
Upa C. Sangzuala hi thuziak lamah a tui hle a, ‘Kristian Tlangau’ hneh takin a enkawl tawh a, lehkhabu 27, midang nen inziah \awm 9, lehlin 9 leh article leh seminar paper te a ziak tam hle a ni. Upa C. Sangzuala hi khawtlang leh Kohhranah inhmang tak a ni a, a thih thleng hian Chaltlang South Presbyterian Kohhran Upa a ni.
Vawiin chhun dar 11:30 khan an chenna Chaltlangah Kohhran Chairman Rev. Mangchhuana Sailo in thlamuanna thuchah sawiin a vui a, amah hi Chaltlang Presbyterian Kohhran Upa a nih avangin chawhnu dar 1 khan Chaltlang South Presbyterian Kohhran Biak Inah a thlahna inkhawm buatsaih leh a ni.
