MBA hruaitute hnen a\anga Zonet thudawn danin, High Court-a PIL an thehluh tur hi an duang fel vek tawh a, chhan engemaw vangin vawiin khan an thehlut hman lova, naktuk hian thehluh hman an inbeisei a ni. MBA hruaitute chuan, ruahmanna thar anga ni khata lirthei number tawp 2 zel din chu mimal zalenna rahbehnaa an ngaih avangin hman a nih loh nan hmalak hi an rel ta a ni, an ti a. Sorkar kaltain inthlanchhawk a duan \um pawh khan an member \henkhat chuan mimal zalenna a ngaiin dodal an rawt tawh a, hei hi ngun taka an ngaihtuah hnuah Aizawl khawpui awm dan nen lirthei intlanchhawk chu dodal rih lovin, mipui \hat tlan zawk nan tawrh ve rih phawt mai ni se an ti a. Tun \uma ruahmanna thar erawh ni khata lirthei number inang lo 2 zel din ngai tur chu \ha an tih loh avangin hetiang hian hma an la ta niin an sawi.
MBA hruaitute chuan, a nihna takah chuan lirthei intlanchhawk chu harsatna chinfel dan kawng \ha ber a ni lo niin an sawi a. Kawng sira lirthei hunna hmun siam chu tihtlem ni se, a aiah Dropping Zone tam zawk siam ni se \ha an tih thu leh kawngpui hnaia Two wheeler workshop tam lutuk leh Iron Rod zuar tam lutuk leh kawng sira dawr t> inhawng tam lutuk chu lirthei ti tawttu an nih avangin tihtlem ni se, kawngpui tawn tawna lirthei inhung \hinte pawh a awm tawh loh nana hmalak chu harsatna chinfel dan kawng awlsam ber nia an hriat thu an sawi.
Puan tawh angin kumin April ni 25-a Coordination Committee on Traffic Management \hukhawm chuan lirthei intlan chhawk dan thar hi an siam a, ruahman dan chuan thawh?anniah lirthei number 1 leh 2 a tawpte an tlan thei dawn lova, thawhlehniah 3 leh 4, nilainiah 5 leh 6, ninganiah 7 leh 8 leh Zirtawpniah 9 leh 0-a tawpte an tlan thei dawn lo a. Lirthei intlanchhawk hian Sorkar chawlh, Inrinni leh Pathianni te a huam lo thung a ni. He ruahmanna thar hi June thla chhung en chhin phawt tura tih a ni.
