Mizoram Sorkar leh HPC(D) hel pawlte inkara inremna thuthlung siam tih hlawhtlin nan HPC (D) mi 100 an ral thuam nena lo chhuak te chu, inrinni zan khan Sesawnga Central Training Institute (CTI)-ah dah luh an ni.
HPC (D) mi 100 rual, nunphung pangngai zawh tura lo chhuak te hian an ralthuam neih chi hrang hrang an rawn luh puia, chungte chu Assault Rifles, Ulhbun phir leh Pistol 7 a nia, an silai chi hrang hrangte hi a vaiin 48 a ni. he mi rual hian Silai mu leh hmanraw dangte an dah lut tel a ni. chi hrang hrang mu leh hmanraw dangte an rawn keng tel bawk a ni.
HPC(D) Deputy Army Chief Lalbiaknunga chuan Mizoram sawrkar nena inremna thuthlung an siam tak chungchanga a ngaihdan heti hian min hrilh.
Hemi hma lam, Inrinni zing khan HPC(D) mite hi Mizorama an camp, Zokhawthiang rama Kaniphai a\angin Inrinni zing khan Sakawrdai panin lawngleng 7 hmangin Tuiruang dungah an lo kala, Zilthaw phai an thlenin Sakawrdai VC te leh Mizoram Police hotu ten an lo dawngsawnga, an chawchhun buatsaih sak an ei hnuah Sakawrdai an pan nghal a, Vaitin khua an thlenin khawnawtin an lo lawma, Vaitina hun reilote an hmanah hian inremna neih vang leh tluang taka an lo chhuah theih vanga Pathian hnena lawmthu sawina neih pui an ni. He mi hnu hian Sakawrdai an pan nghala, Sakawrdai Field-ah VC-te buatsaihin a khawnawtin a lawmna buatsaih a ni a, he inkhawm hi Sakawrdai VCP Pu R. Lalfakzualan a kaihruai a, hetah hian remna siama nun phung pangngaia lo let HPC mite chu pangpar \hi awrh tirin chawimawi an ni.
Hemi hnu hian CTI Sesawng pan nghal a ni a, zan dar 9:30 velah Sesawng hi thlenpui a ni a, an awmna tur hmun ruahman sakah luh tir nghal an ni. Puan tawh angin Sesawng -a CTI ah hian an mahni lawm luhna inkhawm tun thla ni 13, Zirtawpni ah neih a ni dawn a, hetah hian khuallian ni turin Home Minister Pu R Lalzirliana beisei a ni.
