Gauhati High Court, Aizawl Permanent Bench chuan kum 1994, July ni 27-a Mizoram sorkar leh HPC inkara remna thuthlung lo siam tawha Clause 5.1 leh Clause 5.3 chu kum khat chhunga tipuitling turin Mizoram sorkar a hriattir. He inremna thuthlung hi tihpuitlin a nih theih nan Sinlung Hills Accord Implementation Demand Committee chuan nikum May ni 25 khan Gauhati High Court, Aizawl Bench-ah a thlen a, hei hi a ngaihtuah hnuah High Court chuan tun thla ni 4, Thawh\anni hmasa khan thutlukna a siam a ni. High Court-in Memorandum of Settlement Clause 5.1-a tihpuitlin tura a tih hi Hmar mipuite duh dan anga Primary Level-a inzirtir anan Hmar \awng hman leh Hmar \awng chu Mizorama \awng pawimawh zinga telh a ni a, Clause 5.3-ah chuan Sakawrdaia Civil Sub Division dah leh Sub Division-a dah chi, sorkar department hrang hrang dah te, Sakawrdaia Primary Health Center chu khum 30 awm theihna Community Health Center-a dah te a ni.
