Nizan khan Mizoram sorkar chuan Mizoram IR Police te Bairabi Zophai hmunah a tir lut a, IR Police te hian MZP te chawlhbuk sak tumna hmun Zophai hi an awm chilh mek.
Bairabi a\anga ZONET thudawn danin Zophai hmuna Assam Police awm te chu an insaseng duak tawh a, amaherawhchu, a bul hnaiah awm an la awm tho a ni. Nizana Congress Legislature Party \hutkhawm chuan resolution pass-in Mizoram chhung Pu Ch Chhunga rama Zofate chawlhbuk sak tumna hmun chu Mizoram police ten luah nghal se, Zofate chawlhbuk pawh sak anih ngei theih nan sorkarin hma la zui nghal rawhse tih an pass a, hemi hnu lawk hian Chief Minister remtihna in Home Minister Pu R Lalzirliana chuan Mizoram IR Police te hi Zophai hmunah hian a tir lut nghal a ni. CLP meeting zawh hnu hian Chief Minister chuan Pu CH Chhunga ram ngei zofate chawlhbuk sak tumnaah Police te chu an inkulh tawh tih a puang a, sorkar pawhin Zofate chawlhbuk chu sak anih ngei theihna turin hma a la dawn niin a sawi.
