Pu C. Ramhluna chuan, SEDP hnuaia sem chin awm mah se, NLUP anga sem ral satliah a ni ve dawn lo a, Project base-a kal a nih tur thu a sawi a. an hmalakna turah thurawn neite chu finchhuah zel turin a ngen a ni. He inkhawm hmanpuitu MNF Vice President, Pu Lalthlengliana chuan, MNF sorkar-in SEDP chu thingtlang lam hawi deuha kalpui tur ni mah se, khawpui mite tan pawh Industry kaltlanga ngaihtuahna nasa zawk sen mek a nih thu a sawi.
Commerce & Industry Director, Pu J.Hmingthanmawia pawhin, Industrial Development Board chuan a taka hmalak a tum tih sawiin, \um 4 an \hukhawm tawh tawh thu leh DPR pawh kan siam tawh thu sawiin, SEDP hnuaiah bul\an nan Handloom lama hmalakna tur cheng nuai 260 pek an nih tawh thu a sawi. He inkhawm hi MNF Treasurer, Pu K. Vanlalauva’n a kaihruai a, Pastor T.Lalsangvunga’n Pathian thuchah a sawi a ni.
