Puan tawh \hin angin Sorkar-in Mizoram State Health Care Scheme a duan chu Private damdawi in neitu intelkhawm Non Government Hospital Association of Mizoramin a zawm theih loh avangin he dan zawm thei lo kohhran enkawl leh mimal enkawl damdawi \henkhat sorkar-in a pawmpuina chu nikum Decmeber ni 4 khan tihtawp a ni a. Heng damdawi in-a damlo inenkawlte chu Health Care Scheme leh Sorkar a\anga Medical Reimbursement Bill thei lo tura hren niin, hun engemawchen harsatna an tawk a. Heng damdawi in \henkhat sorkar-in a pawmpuina a hlihsakte hi Zirtawpni khan Health Minister, Dr. R. Lalthangliana’n lehkha thawnin Mizoram Health Care Scheme zawm turin a ngen a, Mizoram sorkar-in SEDP hnuaia Mizoram Health Care Scheme a duan chu an duh ang diak diak ni lo mah se, mipui harsatna hrethiama sorkar ruahmanna zawm phawt tur leh an harsatna chu sutkian dan ngaihtuahpui an nih tur thu a hrilh a. He ngenna hi hemi ni vek hian Non Government Hopsital Association of Mizoram chuan ngaihtuah nghalin, Minister ngenna chu tihhalwhtlin an remtih thu ziakin an hriattir nghal a. Dr. Thangtea hnena lehkha an thawnah Non Government Hopsital Association of Mizoram chuan, an member zinga Hospital \henkhat Sorkar-in a pawmpuina a tihtawp lailawk sak chu a rang thei ang bera hlip turin an ngen a. He ngenna hi Health Minister chuan tihlawhtlingin tun thla ni 24, Zirtawpni a\ang khan Private damdawi in-te hrekna chu hlih a nih thu Sorkar thuchhuah chuan a tarlang.
