Saitual District Task Force Chairman, District bawrhsap Pu VL Hruaizela Khiangte kaihhruai thutkhawmnaah hian tun thla ni 31 thlenga hman tur mipui kharkhipna thupek leh thil tul dangte an sawiho a, kalkhawmte hian District chhunga ramri dep leh khaw hrang hranga inkalpawhna khan pawimawh laiah uluk lehzuala venhim hnathawh nise an ti a, ram dang atanga rawn hawte pawh an lo lawm tih an sawi rualin inkhunghranna-a hun hmang mekte leh an chhungte chu sawrkar thupek tha taka zawm theuh turin an chah a ni.
He thutkhawmnaah hian sawrkar ruahmanna zul zuiin an district tana remchang zawka an hriat thenkhatte an siamrem a, District SP Pu PC Lalduhthlanga leh District Hospital MO Pi Vanhmingliani te pawhin an hmalakna hrang hrangte leh hmachhawpte an sawifiah a ni.
Saitual District ah hian State danga atanga rawn haw mi 38 te chu khung hranna hmunah an awm mek a, heng bakah hian haw tur mi 191 an la nei a ni.
