RTI Act hmanga Zonet zawhna Power & Electricity Department-in a chhanna a\anga a lan danin, kawlphetha hman man hi Budget Estimate a\angin Expenditure Sanction dil \hin niin, Sanction hmuh hunah pek \hin a ni a, hei hi a buaipui chhung a rei avangin kawlphetha hman man hi a hun taka pek theih a ni lo tlangpui a, hei vang hian Sorkar-in thla tin sum \hahnem tak a chawibelh \hin a ni.
A hun taka kawlphetha hman man pek loh vang hian kum 5 chhungin Sorkar-in sum a chawibelh chu cheng 40,01,10,401 zet a tling a. Sum chawibelh hi kum 2013-14-ah cheng 8,69,46,475, kum 2014-15-ah cheng 12,19,56,329, kum 2015-16-ah cheng 3,87,25,319, kum 2016-17-ah cheng 11,19,74,467, leh kum 2017-18-ah cheng 4,05,07,811 a ni.
P&E Department hotute chuan, tunah hian Company 5 – North Eastern Electric Power Corporation Ltd. (NEEPCO), Natural Thermal Power Corporation (NTPC) Ltd., Natural Hydro Power Corpoartion (NHPC) Ltd., Tripura Power Generation Limited (TPGL) leh ONGC-Tripura Power Company Limited (OTPCL) hnen a\ang te in kawlphetha hi lei chhawn \hin a nih thu an sawi a. Kawlphetha lak man hi bat \hin niin, sorkar kum liamta leh kumin May thla thlenga Sorkar-in kawlphetha hman man a bat zat chu cheng 50,59,86,017 a ni tih an sawi.
