Chief Minister Pu Zoramthanga hova Council of Minister te vawiina \hukhawm hian Mizoram sawrkar hnuaia Muster Roll te chu Provisional Employee tia thlak an remti a. Minimum Wages Act hnuaia hlawh la thin chu hlawhbi pangngai, pay structure hran neia felfai taka an thlatin hlawh tur siamsak an remti a ni. Kumtina an hlawhpui a\anga chhutin zaa 4-a tihpunna tur annual increment pawh siamsak an ni dawn a. sorkar hnathawk pangngai te angin Travelling Allowances leh Daily Allowances bakah transfer TA te an bill thei dawn bawk a ni.
Provisional Employee te hian Medical allowance zaa 4 an hlawhah an dawng tel tawh dawn bawk a. Hmeichhe tan a fa pahnihna thlengin nau neih chawlh, Maternity Leave kar 26 chhung an la thei ang a. Mipa tan Paternity Leave ni 7 chhung lak phalsak an ni dawn bawk. Provisional employees te hian department a Group “C” leh Group “D” hna awm sa te thawkin, an tan post hran siam sak a ni dawn lo a. Kum khat chhungin Casual Leave ni 4 an nei tawh ang a, hei bakah hian a ruaitute nena inremsiamna in thla tin ni khat chawlh, compulsory non-duty an nei thei dawn bawk a ni.
Council of Ministers thukhawm hian sawrkar hnathawk zinga lirthei kawl thei chin tur Vehicle Entitlement siamthatna rawtna an pawm bawk a. Power & Electricity leh Public Health Engineering department ten mipui rawngbawl hna tha zawka an thawh theihna turin heng department pahnihah hian Task Force din an rel bawk.
