Mizoram sorkar hnathawkte inzawmkhawm, Federation of Mizoram Govt. Employees & Workers hruaituten vawiin khan Chief Minister, Pu Zoramthanga an hmu a, an harsatna hrang hrang chinfel a nih theih nan leh pay commission 7-na rawt anga hlawh an lak tak chungchangah lawmthu an hrilh.

FMGE&W hruaitute chuan, Govt. Complex-a sorkar hnathawkte chen khawmna tur Housing Complex chungchanga hmalak tawh dan Chief Minister chu an sawipui a, helai hmun hi tlawh a, enfiah turin Chief Minister chu an sawm nghal a ni.

FMGE&W hian Chief Minister Relief Fund-ah Rs. 2,00,000/- an chhung lut nghal bawk.