Health Dept. hian district hrang hranga thawktute vawiin khan Aizawlah ko khawmin khawvela hrileng mek Covid 19 chungchanga hmalak dan tur zir hona a buatsaih a. Covid-19 laka inven nan leh fimkhur thu hlaah mi tupawh khawsik, hritlang, khuh leh thawkna lama harsatna neite chu school, college, bazar, biakin leh puipunna hmuna kal lova, mahni in emaw damdawiin lamah emaw inenkawl turin an ngen a ni.
Principal Director Dr. F. Lallianhlira chuan, Covid 19 hri leng lakah Mizoram dinhmun chu ala \ha tih a sawi a, he hri leng tawng lo tura inven theih dinhmunah a la awm mek a ni a ti a, Lengpui \umhmunah uluk taka screening kalpui zel a nih thu a sawi a, sample lakna tur hmunhma pawh Aviation thuneitute nena thawkhovin Lengpui Airport-ah room awl siam a nih tawh thu te, khualzin rinhlelhawm, inkhung hranna tur mahni in nei lo te khung hranna tur siam anih thu leh ramri-ah veivakte endik an nih thu a sawi a, duhthusawmin thawktu indaih lo mahse hri leng laka Mizoram a him theih nan a theih ang anga insiamrem a nih thu a sawi.
Zir hona hi National Health Mission Director Dr. Eric Zomawia’n a kaihruai a, Distcit tin Medical Superintendent leh CMO ten an huam chhunga an hmalakna leh rawtna an neih te an sawi a, tun hnaia WHO buatsaih-a Covid 19 chungchang Delhi a zir zo, Rapid response team member ten an thil zirte an zirtir chhawng a, traininga tel te hian anmahni district theuhah hma an la zui dawn a ni.
