Mizoram Pradesh Congress Committee chuan thuchhuah siamin Group B Non Gazetted chin hnuailam la tura Mizoram Subordinate Service Selection Board (MSSSB) din thar tumna chu MPSC rin tawk lohna nia an ngaih thu sawiin, dan leh hrai pawisakna nei miah loa sorkar hnaa Party mite thun tumnaah an ngai tih an sawi a ni. Hei bakah hian MPSC kaltlang lo a zirtirtu 946 la tura dan awmsa tihdanglam sorkarin a tum mek dan te enin a \ha zawnga danglam tumna MNF sorkarh a la awm reng reng lo nia an ngaih thu MPCC hian sawiin, tun dinhmunah MPSC hna a hautak deuh nia a lang a nih pawhin thawktu lak belh a, MPSC tih chak chu thil \ha zawkah an ngai tih an sawi.
MPC \halaite pawhin thuchhuah siamin sorkar chu MNF party mi leh sa te chauh duhsak bik theihna tur ruahmanna siamah puhin Kohhran leh mipuite zah lohna leh palzutna lian takah an ngai tih an sawi a, MNF sawrkarin MPSC chanvo ding lai reng Group-B (non-gazetted) recruitment laksak a tum chu mipuite bumna lian takah an ngai tih sawiin, ram leh mipuite tana an intiamna ang ngei a, mipui sawrkar tungding ngei turin sorkar an phut tih an sawi.
Zoram Peoples Movement ZPM \halai pawhin Mizoram Subordinate Service Selection Board din tumna chu mahni party mi leh sa te duhsakna kawnga hmai phihfaina hmanruaah an ngai tih an sawi a, Hna lak chungchanga MPSC a kal muang nia sawi chu thawktu indaih loh vang a nih chuan hnawhkhat thuai turin sorkar an phut tih an sawi.
Mizo Students Union (MSU) General Headquarters pawhin Mizoram Subordinate Service Selection Board (MSSSB) din tumna chu a lo thlawna mipui sum khawhralna turah an ngai tih an sawi a, Board thar lo piang tur chu uluk takin an vil reng dawn tih an sawi a, Central-a UPSC leh SSC in felfai taka hnalak an kalpui anga MPSC leh MSSSB ten felfai leh chak zawka hna an thawh ngei theih nan sorkarin ruahmanna a siam an phut tih an sawi a, Party induhsakna leh hleihluak taka duhsak zawngte hna inpekna mai a nih chuan nasa taka dodal an tum tih an sawi.
